Online: 12.01.2017 - ePaper: 13.01.2017

Slachteeten bi de Plattschnacker

ejz Jomeln. Mondag Avend, 16. Januar, Klock söven, büddt Kröger Michael Kablitz för de Plattschnacker in sien Kroog Grappenkopp een Slachteeten an. In gesellig Runn warrn wi vun de öller Generatschoon de een or anner Geschicht ut de Tieden höern, as noch Huus bi Huus in de koolt Johrestiet Swien slacht wörrn. Besonners to`n Högen sünd de Dööntje vun de Swartslachteree in de Kriegsjohrn, as de Lüüd een Stück Fleesch un een Stück Worst noch to achten wüssen. Bilöpig wüllen de Plattschnacker an düssen Avend över ehr Programm för 2017 beraatslaan.



^ Seitenanfang